Blog Archives

مصر التي في مصيفي …

السنة دي غير…… سنة متعبة…. كاننا في حالة صعود مضني … ولا نهاية علي مرمي البصر…. وياتي الصيف كانه المهدي المنتظر ليقذني من حالة الاعياء والزيغ…. الي اين نشد الرحال …. الي مصر الثورة…. ممممم  …. طبعا وحتما ويمكن ومعلش….لا…. الوضع مش تصييفي… وانا مدين لاعضائى باجازة مريحة… صحيح مصر هي امي…. لكنها دلوقت عاملة زي اللي لسة والدة وكل اللي بيعدي ياخدله رضعة او عضة….. شعرها  ..منكوش وريشها منتوف وبيحدفوها بالطوب والملتوف….

وداني فرقعت وضهري اتقسم ودماغي بتلق ….

اربع ايام في الميدان….

وميت يوم في الخلاط….

عشروميت بيان وبيان….

وناس بتلك وتلك…

في الاون تي في والفيس بوك

ادي النتيجة…..

وداني فرقعت من الظباط….

وضهري اتقسم….

ودماغي بتلق…