اليك يا … وردة ما بتدبلش


شعر فؤاد حداد هو خلاصة عبقرية المكان والزمان المصري

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

مسحراتي في ندى رمضان

منقراتي ماشي بين الغيطان

والا في حواري ألقي الحيطان

تقول لي شوف الحجر

بالليل يعطش زيه زي الشجر

وكل شيئ في الدنيا رق وشعر

فيه قلب دايما قلب حتى الجماد

وشمس دايما جمر بين الرماد

وفيه منابر سبحت للعرش

يا مؤمنين فيه وردة ما بتدبلش

فيه يد طاهرة تحطم الاوثان

عرق النبي بيزهر الاغصان

فيه كلمة يورثها الحفيد عن ابوه

وحرف يتمنوا البشر يكتبوه

على مأقي العين لو انه قديم

عرابي ومحمد عبيد والنديم

فيه ناس بنوا لي بعد ناس بعد ناس

ما بطلوش الرقة و الاحساس

وفيه امل دايما ودايما طريق

أمشيه بخبرة ألف شاعر برئ

في حلم أحلم بيه وأصحى وأبات

كل الحجارة افتكرها نبات

فيه ندر دايم للندى والنور

وشهر ابيض في الزمان مشهور

المشي طاب لي

والدق على طبلي

ناس كانوا قبلي

قالوا في الامثال

الرجل تدب مطرح ما تحب

 

وأنا صنعتي مسحراتي في البلد جوال

حبٍيت ودبيت كما العاشق ليالي طوال

وكل شبر وحتة من بلدي

حتة من كبدي

حته من موال:

أنا كنت قايم اغني والا ماشي أدور

ودي صنعتي والا فني والا بوفي ندور

خد كلمة الحق عني والامل مبدور

أنا شفت كل الليالي مبحرة للنور

 

أصحي يا نايم وحد الدايم

السعي للصوم خير من النوم

دي ليالي سمحة نجومها سبحة

اصحى يانايم يا نايم اصحي

وحد الرزاق

فؤاد حداد

Advertisements

Posted on July 14, 2012, in Culture, Egypt, Poems and tagged , , , . Bookmark the permalink. 2 Comments.

  1. احلى جزء لازم يقعد يرن فى ودانك و يجننك
    وكل شبر وحتة من بلدي
    حتة من كبدي
    حته من موال:
    أحييك على اختياراتك

  2. اجمل جزء بالنسبة ليه بيتغير يوم بعد يوم حسب المود …
    واليومين دول
    فيه ناس بنوا لي بعد ناس بعد ناس
    ما بطلوش الرقة و الاحساس
    وفيه امل دايما ودايما طريق
    أمشيه بخبرة ألف شاعر برئ
    اما الجزء الزنان فهو عنوان القصيدة …
    وردة مابتدبلش
    حقيقي
    عبقري

Your comments shed light in my way ...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s