ليه كده يا مصعب ….


كان لازم يعني تقولها ….

كان لازم يعني تولعها…

ايدك راحت…رجلك راحت…

بس برضه يعني

…. كان لازم تولعها

ماهونتا كان لازم توزعها

ايدك ورجلك وكلك….

ما هي بتاعتهم…

بلادهم وحتتهم

وحنا يادوب بقرة وجاموسة في عزبتهم

ليه كدة يا مصعب …

كان لازم يعني تولعها…

**********

هو الالم جواك  حاسس بيك….

هوا لسه الجمر في حبابي عنيك…

هوا ليه يا مصعب الغل ماسك فيك …

هو انت يعني لسه صعبان عليك…

ولا فاكر حد حاسس بيك …

كان لازم يعني نحس بيك …

*************

نورت المحكمة يا مصعب …

اتاريها منصوبة ليك .. مش ليهم ..

مش للقتلة وولاد الابالسة…

المحكمة للحمير عشان تلهيهم…

للي صعبان عليهم

للبهايم الخرسا

كان لازم  يعني يا مصعب …

كان لازم نحس بيك…

****************

استريحت ونيمتنا في سريرك …

خلاص وكلتنا من جرحك

وشربتنا من دمك

وكابوسنا الليلة من رجلك ومن ايدك….

***************

قولنالك …. واه مصعباه …

ولبيت وانتصرت وعزلناه….

بس مش قادر اقول مش هيروح هدر…

الدم الطاهر اللي انهمر…

لكني اقدر اوعدك …

بلحم ايدك ورجلك اوعدك..

مش هانام الا علي المك..

ولاهشرب الا المر من دمعك …

لحد الكلب وكلابه …

بكرباجه وبولاده

مايتمرمغوا علي دمك

ويشهدوا علي طهرك

ويتعلقوا علي بابك

***************

Advertisements

Posted on May 24, 2011, in Egypt, Inspirational, Literature, Poems, Politics and tagged . Bookmark the permalink. 2 Comments.

  1. حبيته والله من مرارة كلامه الصعب
    رجله وايده اتقطعوا.. ولساه صعب
    اللي زيه مايكفيهوش طلقات وضرب
    مايردهوش عن عزمه حتى مليون كلب
    جرحه بقى جرحي .. ودمه جوه القلب
    جاي لك يوم ترد نفس الضربة لنفس الكلب

Your comments shed light in my way ...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s